ودك يطلع مكياجك مرتب وناعم؟
مراياك تقول لك اللوك حلو بس فيه لمسة ناقصة أو ملامحك مو بارزة بالشكل اللي تمنيته؟..يمكن المشكلة مو في المنتجات اللي اشتريتيها ولا في جودتها..المشكلة الحقيقية إنك ما تعرفين الفرق بين البلاشر والهايلايتر وكيف توظفين كل واحد منهم في مكانه الصح.
في هالمقالة بنبسط لك كل شيء وبتفهمين كيف تستخدمي كل واحد بطريقة تخلي وجهك ينطق بالجمال.
الفرق بين البلاشر والهايلايتر:
كثير بنات وخصوصاً في البدايات يستخدمونهم بطريقة عشوائية فتلقين الواحدة تحط الهايلايتر مكان البلاشر أو تكثر لمعة في وجهها بدون توازن والنتيجة؟..لوك باهت وملامح ضايعة وبشرة شكلها مزيّت بدل ما تكون مشرقة.
أولاً: وش وظيفة البلاشر؟
البلاشر ما تستغني عنه أي بنت لأن هو المنتج اللي يعطي خدودك لون وحيوية ويرجع الروح لوجهك بعد ما توحدين لونه بالأساس.
وظيفته الأساسية:
- يضيف لون طبيعي: يكسر لون الفاونديشن الموحد ويعطيك تورد طبيعي كأنك توك طالعة من نادي أو متمشية في جو بارد.
- يعطي إحساس بالصحة والنشاط: الوجه بدون بلاشر يبان تعبان أو شاحب، البلاشر يعطي نضارة فورية.
- يحدد شكل الخدود: بلمسات بسيطة تقدرين ترفعين خدودك أو تخلين وجهك يبان أعرض أو أنحف.
أشكاله:
- بودرة: الأسهل للمبتدئات ويدوم وقت طويل ومناسب جداً للبشرة الدهنية.
- كريمي: يعطي لوك "ديوي" ومنعش وسهل الدمج بالأصابع وهنا يظهر الفرق بين البلاشر والهايلايتر الكريمي في كيفية إعطاء نضارة طبيعية بدون مبالغة.
- سائل (تنت): ثباته عالي جداً ويعطي شكل طبيعي كأنه لون جلدك الحقيقي.
البلاشر مناسب جداً للاستخدام اليومي والدوامات لأنه يضيف روح للوجه بدون ما يبان إنك حاطة مكياج ثقيل.
ثانياً: وش وظيفة الهايلايتر؟
إذا كان البلاشر يعطيك اللون فالهايلايتر هو السحر اللي يعطيك اللمعة والإشراقة اللي تخطف الأنظار.
وظيفته الأساسية:
- يعكس الضوء: الهايلايتر مصمم عشان يلقط الضوء في الأماكن المرتفعة من وجهك.
- يبرز ملامح الوجه: وظيفته "يسلط الضوء" على جمالك؛ يبرز عظمة الخد، يرفع الحاجب، ويصغر الأنف.
- يعطي Glow جذاب: يعطيك هذا اللوك المبلل أو الصحي (Healthy Glow) اللي نشوفه على المشاهير.
أماكن استخدامه:
الهايلايتر يستخدم لإبراز الملامح مو لإضافة لون يعني هدفنا منه نور مو صبغة.
- عظمة الخد: أهم مكان عشان يعطيك رفعة للوجه.
- أرنبة وجسر الأنف: عشان يبان أنعم وأصغر.
- تحت الحاجب: يعطي سعة للعين ورفعة للحاجب.
- زاوية العين الداخلية: يفتح العين ويخليك تبانين صحيانة ومرتاحة.
ثالثاً: الفرق بين البلاشر والهايلايتر بشكل واضح:
رابعاً: متى تستخدمين البلاشر؟ ومتى تستخدمين الهايلايتر؟
عشان تتقنين فن المكياج لازم تعرفين الوقت المناسب والمناسبة الصحيحة لكل منتج لأن البلاشر والهايلايتر يكملون بعض لكن كل واحد له الوقت اللي يبرز فيه جمالك بشكل مختلف ومعرفة الفرق بين البلاشر والهايلايتر بتساعدك تقررين متى تحتاجين لمسة اللون الدافئة ومتى تحتاجين وهج الإضاءة الساحر.
البلاشر استخدميه إذا:
- تبغين لوك يومي طبيعي .
- تحسين وجهك باهت بعد الفاونديشن وتبين ترجعين له الحياة.
- تبغين تحددين خدودك وتبرزينها بشكل أنثوي رقيق.
الهايلايتر استخدميه إذا:
- تبغين لوك فيه "Glow" ولمعة صحية تجذب الضوء.
- عندك مناسبة أوسهرة أو تصوير (لأن الكاميرا تعشق الهايلايتر).
- تبغين إبراز ملامح معينة في وجهك وتصغرين ملامح ثانية.
جاهزة تبرزين جمالك؟ تسوقي الآن واختاري ما يناسبك من ميكب الوجه.
خامساً: هل ينفع تستخدمينهم مع بعض؟
السر في المكياج الاحترافي هو الدمج بين الاثنين لأن البلاشر يعطي القاعدة الدافئة والملونة والهايلايتر يجي فوقه يضيف اللمسة النهائية الفخمة.
- حطي البلاشر أولاً على خدودك وادمجيه زين لورا.
- بعده حطي الهايلايتر فوق عظمة الخد (أعلى نقطة) وادمجيه بخفة مع طرف البلاشر.
النتيجة راح تكون لوك متوازن ووجهك فيه لون صحي وبنفس الوقت يلمع مع كل حركة بأسلوب راقي.
أخطاء شائعة بسبب عدم فهم الفرق بين البلاشر والهايلايتر:
كثير من المبتدئات يقعون في فخ الأخطاء اللي تخرب اللوك مثل:
- استخدام الهايلايتر بدل البلاشر: فتلقين الخد كله يلمع وشكله غريب ومو طبيعي.
- وضع الاثنين في نفس المكان بدون دمج: فيبين وجهك كأنه طبقات ألوان منفصلة فوق بعض.
- المبالغة في اللمعة: الهايلايتر الزايد يبرز المسام والعيوب اللي في البشرة.
- اختيار ألوان غير مناسبة: مثل استخدام هايلايتر فضي جداً على بشرة سمراء أو بلاشر غامق جداً على بشرة فاتحة.
كل هذه الأخطاء سببها ببساطة هو عدم فهم الفرق بين البلاشر والهايلايتر وكيف يكملون بعض.
نصائح للمبتدئات عشان يطلع مكياجك احترافي:
عشان يصير مكياجك احترافي طبقِ هالقواعد:
- ابدئي بخفيف وزودي تدريجي: دايم خذي كمية قليلة من البلاشر أو الهايلايتر ووزعيها وإذا احتجتي زودي المسح أسهل من التنظيف.
- استخدمي إضاءة كويسة: وأنتِ تحطين مكياجك تأكدي إن الإضاءة بوجهك عشان تشوفين وين اللمعة تطلع بالضبط.
- الدمج: هو سر المكياج الناجح واستخدمي فرشاة نظيفة لدمج الأطراف بين البلاشر والهايلايتر.
- لا تستخدمين لمعة قوية في النهار: في الشمس القوية الهايلايتر الناعم (Satin) يطلع أحلى من الهايلايتر اللي فيه جليتر واضح.
كيف تختارين المنتج المناسب لنوع بشرتك؟
عشان تضمني ثبات مكياجك طول اليوم وشكله المرتب لازم تختارين القوام اللي يناسب طبيعة بشرتك وهنا يبرز الفرق بين البلاشر والهايلايتر من ناحية الاختيار فكل نوع بشرة لها احتياج خاص يبرز جمالها:
1.البشرة الدهنية:
- البلاشر: الأفضل لك هو البودرة (Powder)؛ لأنها تعمل على امتصاص الزيوت الزائدة ومنع التكتل وتضمن لك ثبات اللون لساعات طويلة بدون ما يسيح.
- الهايلايتر: اختاري هايلايتر ناعم ومطفي (Satin) وابتعدي عن الأنواع اللي فيها جليتر قوي أو حبيبات واضحة لأنها راح تبرز مسام البشرة الواسعة وتعطي انطباع بزيادة إفراز الدهون.
2.البشرة الجافة:
- الهايلايتر: الهايلايتر السائل أو الكريمي هو خيارك المثالي لأنه يندمج مع بشرتك بسلاسة كأنه قطعة منها ويخفي أي قشور أو جفاف وهذا اللي يبرز الفرق بين البلاشر والهايلايتر في قدرتهما على منحك اللوك اللامع والجذاب.
- البلاشر: الكريمي (Cream) أو السائل لأنه يعوض جفاف البشرة ويعطيها ترطيب إضافي ولمعة طبيعية ومنعشة.
الخاتمة:
المكياج هو وسيلتك لإبراز جمالك الخاص وفهمك الدقيق لـ الفرق بين البلاشر والهايلايتر هو اللي بيحول مكياجك من لوك عادي إلى إطلالة احترافية تخطف الأنظار..تذكري دايمًا إن السر يكمن في التوازن
البلاشر يعطيك الروح والحيوية والهايلايتر يضيف لكِ الضوء والسحر ودمجهم مع بعض بذكاء هو مفتاح اللوك المتكامل..طبقِ هالقواعد وبتشوفين كيف ملامحك بتصير أوضح وأجمل بكل ثقة.
اطلبي أفضل أنواع البلاشر والهايلايتر من متجر نيوغراي.
الأسئلة الشائعة:
هل البلاشر هو الهايلايتر؟
لا طبعاً لأن البلاشر وظيفته يعطيكِ لون وتورد صحي للخدود وردي او مشمشي..أما الهايلايتر وظيفته تنوير وإضاءة الأماكن المرتفعة في الوجه عشان تبرز ملامحك وتلمع.
ما الفرق بين البرونزر والهايلايتر؟
البرونزر يعطي بشرتك دفء وتان كأنك طالعة للشمس ويحدد ملامحك كونتور خفيف..بينما الهايلايتر يعكس الضوء ويبرز الملامح بلمعة جذابة يعني البرونزر يغمق ويحدد والهايلايتر يفتح ويبرز.
هل يوضع الهايلايتر قبل كريم الأساس أم بعده؟
يوضع الهايلايتر البودرة بعد كريم الأساس كخطوة نهائية لكن الهايلايتر "السائل ممكن تخلطينه مع الأساس أو تحطينه قبله إذا ودك بلمعة داخلية طبيعية وهادية Glow from within.
البلاشر المناسب للبشره الدهنيه؟
أفضل خيار لك هو البلاشر البودرة (Powder) لأنه يمتص الزيوت الزائدة ويمنع التكتل وهذا يضمن لكِ ثباتاً يدوم لساعات طويلة دون أن يسيح وتجنبي الأنواع الكريمية اللي قد تزيد من لمعان الوجه غير المرغوب فيه واحرصي على اختيار تركيبة مطفية.